பா.ஜ.க.விலிருந்து நடிகை 6 மாதம் சஸ்பென்ட்! அண்ணாமலை நடவடிக்கை!! சூர்யா சிவாவுக்கும் தடை!!

தமிழக பா.ஜ.க.விலிருந்து நடிகையை 6. மாதம் சஸ்பெண்ட் செய்து, மாநில தலைவர் முன்னால் ஐ.பி.எஸ்.அதிகாரி அண்ணாமலை உத்தரவு! சூர்யா சிவாவுக்கும் தடை!!

பாஜகவில் இருந்து நடிகைகாயத்ரி ரகுராம் 6 மாதம் சஸ்பெண்ட் –

தமிழக பாரதிய ஜனதா கட்சியின் வெளிநாடு மற்றும் அண்டை மாநில தமிழ் வளர்ச்சி பிரிவின் மாநில தலைவராக காயத்ரி ரகுராம் பணியாற்றி வருகிறார். இந்த நிலையில், அவர் கட்சியின் கட்டுப்பாட்டை மீறியும், கட்சிக்கு களங்கம் விளைவிக்கும் செயல்களிலும் ஈடுபட்டு வந்ததாக கூறி, அவரை 6 மாதங்களுக்கு அவரது பொறுப்பில் இருந்து சஸ்பெண்ட் செய்து பாஜக தலைவர் அண்ணாமலை வெளியிட்டுள்ள அறிக்கையில் கூறியுள்ளார்....

இதுகுறித்து அண்ணாமலை வெளியிடப்பட்டுள்ள அறிக்கையில்,

தமிழக பாரதிய ஜனதா கட்சியின் வெளிநாடு மற்றும் அண்டை மாநில தமிழ் வளர்ச்சி பிரிவின் மாநில தலைவர் . காயத்ரி ரகுராம் கட்சியின் கட்டுப்பாட்டை மீறியும், கட்சிக்கு களங்கம் விளைவிக்கும் செயல்களில் தொடர்ச்சியாக ஈடுபட்டு வருவதால் கட்சியில் அவர் வகித்து வரும் அனைத்து பொறுப்புகளிலிருந்தும் ஆறு மாத காலத்திற்கு நீக்கப்படுகிறார்.

ஆகவே கட்சியின் நிர்வாகிகள் மற்றும் தொண்டர்கள் அவரிடம் கட்சி சார்பாக எவ்வித தொடர்பும் வைத்துக் கொள்ள அறிவுறுத்தப்படுகிறது.’ என தெரிவிக்கப்பட்டுள்ளது.......

இதேபோல தமிழக பாரதிய ஜனதா கட்சியின் சிறுபான்மையினர் அணி தலைவர் டெய்சி சரண் OBC அணியின் மாநில பொது செயலாளர் சூர்யா சிவாவிற்கும் இடையே நடந்த தொலைபேசி உரையாடல் காரணமாக சூர்யா சிவா கட்சி நிகழ்வுகளில் பங்கேற்க வேண்டாம் என அறிவிப்பு வெளியாகியுள்ளது.......

இது தொடர்பாக பாஜக மாநில தலைவர் அண்ணாமலை வெளியிட்டுள்ள அறிக்கையில், "தமிழக பாரதிய ஜனதா கட்சியின் சிறுபான்மையினர் அணி தலைவர் டெய்சி சரணுக்கும் OBC அணியின் மாநில பொது செயலாளர் சூர்யா சிவாவிற்கும் இடையே நடந்த தொலைபேசி உரையாடல் ஒன்று இன்று காலை என் கவனத்திற்கு வந்தது.

இந்த சம்பத்தை விசாரித்து கட்சி தலைமைக்கு அடுத்த 7 நாட்களுள் அறிக்கை சமர்ப்பிக்கவேண்டும் என்று தமிழக பாரதிய ஜனதா கட்சியின் மாநில துணைத் தலைவரும் ஒழுங்கு நடவடிக்கை குழுவின் தலைவருமான கனகசபாபதியிடம் தெரிவிக்கப்பட்டுள்ளது.

ஒழுங்கு நடவடிக்கை குழு தனது அறிக்கையை சமர்ப்பிக்கும் வரை OBC அணியின் மாநில பொது செயலாளர் சூர்யா சிவா கட்சி நிகழ்ச்சிகளில் பங்கேற்க வேண்டாம் என்று அறிவுறுத்துகிறோம்"

இவ்வாறாக அண்ணாமலை தெரிவித்துள்ளார்......

இந்நிலையில் கட்சியிலிருந்து சஸ்பென்ட் செய்யப்பட்ட நடிகை, அண்ணாமலைமீது அடுக்கடுக்கான குற்றச்சாட்டுகளையும், ஆடியோ, வீடியோ ஆதாரங்களையும் வெளியிடுவேன் என்று எச்சரித்துள்ளதாக சமூக வலைதளங்களில் செய்திகளும், மீம்ஸ்களும் பரப்பரப்புடன் வெளிவந்து கொண்டிருக்கிறது..........