கொளத்தூர் தொகுதியில் முதல்வர் மு.க.ஸ்டாலின் சுற்றுப்பயணம்! திட்டப் பணிகள் துவக்கி !வைத்தார்!!

தி.மு.கழக தலைவர் தமிழ்நாட்டின்முதல் அமைச்சர், மு.க.ஸ்டாலின் தனது சட்டமன்ற தொகுதியான கொளத்தூர் சட்டமன்ற தொகுதியில் இன்று சுற்றுப்பயணம் மேற்கொண்டார்......

அப்போது அவர், தொகுதிக்குட்பட்ட பல்வேறு இடங்களில் ஆய்வுப் பணிகளை மேற்கொண்டு பொதுமக்களுக்கு, பல்வேறு நலத்திட்ட உதவிகளையும் வழங்கினார்.

தொடர்ந்து

பெரம்பூர் பந்தர் கார்டன் பள்ளியில் 4.37 கோடி ரூபாய் மதிப்பீட்டில் மறுசீரமைப்பு பணி மற்றும் நவீன வசதிகளுடன் கூடிய மேம்படுத்தும் பணிகளை தொடங்கி வைத்து.

இதைனை தொடர்ந்து பெரம்பூர் தீட்டித் தோட்டம் பகுதியில் 1.27 கோடி ரூபாய் மதிப்பீட்டில் கட்டப்பட்டுள்ள பூப்பந்து விளையாட்டு திடலையும் திறந்துவைத்தார். பின்னர் அங்கு முதல்வர் மு.க.ஸ்டாலின் பூப்பந்தாட்டம் விளையாடினார்.....

இதைத் தொடர்ந்து பேப்பர் மில்ஸ் சாலையில் உள்ள ஆரம்ப சுகாதார நிலையத்தில் ரூ 8.72 கோடி மதிப்பீட்டில் சென்னை மாநகராட்சி மூலதன நிதியில் இருந்து மேற்கொள்ளப்பட உள்ள 37 பணிகளுக்கு அடிக்கல் நாட்டினார். பள்ளி சாலையில் உள்ள சென்னை மாநகராட்சி மேல்நிலைப் பள்ளியில் ௹,4.99 கோடி மதிப்பீட்டில் கூடுதல் வகுப்பறைகள் மற்றும் ஸ்மார்ட் வகுப்பறைகள் கட்டும் பணியையும் முதல்வர் துவக்கி வைத்தார்....

பின்னர்வீனஸ் நகரில் ரூ.7.75 கோடி மதிப்பீட்டில் கட்டப்பட்ட, பிற்படுத்தப்பட்டோர் கல்லூரி மாணவர்கள் விடுதியையும் திறந்துவைத்தார்......

இதனை தொடர்ந்து சம்மந்தப்பட்ட அரசுத்துறை அதிகாரிகளிடம், பணிகள் குறித்து ஆலோசனை செய்தபின், பணிகளை விரைந்து மக்கள் பயன்பாட்டுக்கு கொண்டு வரவும் அறிவுறுத்தல்கள் வழங்கினார்........

தி.மு.கழக முதன்மைச் செயலாளர், தமிழக நகராட்சி நிர்வாகம்- குடிநீர் வழங்கல் துறை அமைச்சர் கே.என்.நேரு, சென்னை (வ) மாவட்ட தி.மு.கழக செயலாளர் இந்துசமய அறநிலையத்துறை அமைச்சர், பி.கே.சேகர்பாபு, பிற்பட்டோர் நலத்துறை அமைச்சர் ஆர்.ராஜகண்ணப்பன், நாடாளுமன்ற உறுப்பினர்கள் கலாநிதி வீராச்சாமி, கிரிராஜன், தயாகம் கவி.எம்.எல்.ஏ. மேயர் பிரியா, துணை மேயர் முகேஷ்குமார் உட்பட அரசு அதிகாரிகள் உடன் சென்றார்கள்...