நடிகை கஸ்தூரி பா.ஜ.க.வில் இணைந்தார்!

திரையுலகில் மட்டுமின்றி, சமூக வலைத்தளங்களிலும் தனது துணிச்சலான கருத்துக்களுக்காக அறியப்பட்ட நடிகை கஸ்தூரி, தற்போது தனது அரசியல் பயணத்தை தொடங்கியுள்ளார். இன்று சென்னை கமலாலயத்தில் நடைபெற்ற நிகழ்வில், அவர் பாரதிய ஜனதா கட்சியில் தன்னை அதிகாரப்பூர்வமாக இணைத்துக்கொண்டார். தமிழ்நாடு பாஜக தலைவர் நயினார் நாகேந்திரன் முன்னிலையில் இந்த இணைப்பு விழா நடைபெற்றது.இது

இந்த நிகழ்வில், கஸ்தூரியுடன் இணைந்து திருநங்கை சமூக செயற்பாட்டாளரும், நமிஸ் சவுத குயின் இண்டியா நிறுவனத்தின் தலைவருமான நமிதா மாரிமுத்துவும் பாஜகவில் இணைந்தார்.

இதுதொடர்பாக, தமிழ்நாடு பாஜக தலைவர் நயினார் நாகேந்திரன் தனது X பக்கத்தில், "நடிகை திருமதி. கஸ்தூரி, நடிகையும், சமூக செயற்பாட்டாளரும், Namis South Queen India நிறுவனத்தின் தலைவருமான திருநங்கை நமிதா மாரிமுத்து, இன்று சென்னை பாஜக தலைமை அலுவலகமான கமலாலயத்தில் தமிழ்நாடு பாஜக கலை மற்றும் கலாச்சார பிரிவு தலைவர் பெப்சி சிவா அவர்களின் முன்னிலையில், பாஜகவில் இன்று இணைந்தனர்" என்று தெரிவித்துள்ளார்.