தேர்தலின் போது மட்டும் மக்கள் மீது பாசமா? மோடி சுற்றுப்பயணம் வெற்று பயணமாக முடியும்! முதல்வர் மு.க.ஸ்டாலின் பேச்சு!

மக்களுக்கு நலம் பயக்கும் ‘திராவிட மாடல்’ ஆட்சி நடைபெற்றுக் கொண்டிருக்கும் தமிழ்நாட்டில் பிரதமரின் சுற்றுப் பயணம் வெற்றுப் பயணம்தான்’’ முதல் அமைச்சர் மு.க.ஸ்டாலின் பேச்சு!.

தமிழ்நாடு முத­ல­மைச்­சர் மு.க.ஸ்டாலின் தரு­ம­பு­ரி­யில் நடை­பெற்ற அரசு விழா­வில், தரு­ம­புரி, கிருஷ்­ண­கிரி மற்­றும் சேலம் மாவட்­டங்­க­ளில் முடி­வுற்ற திட்­டப் பணி­களை திறந்து வைக்­கும் விழா, புதிய திட்­டப் பணி­க­ளுக்கு அடிக்­கல் நாட்டு விழா மற்­றும் அரசு நலத்­திட்ட உத­வி­கள் வழங்­கும் நடைபெற்றது.!

விழா­வில் தி.மு.கழகத்தலைவர், தமிழ்நாட்டின்

முதல் அமைச்சர் மு.க.ஸ்டாலின் பேசியதாவது.!

சேலம் - தரு­ம­புரி – கிருஷ்­ண­கிரி என்று மூன்று மாவட்­டங்­க­ளுக்­கு­மான முத்­தான விழா இது!

‘முத்­துக்­கள் மூன்று’ என்று சொல்­லக்­கூடிய வகை­யில் நேரு – பன்­னீர்­செல்­வம்

சக்­க­ர­பாணி ஆகி­யோ­ரது செயல்­பா­டு­கள் இதில் அடங்­கி­யி­ருக்­கின்­றன!

இவர்­க­ளு­டைய செயல்­பா­டு­க­ளால் இந்த மாவட்­டங்­க­ளின் மக்­க­ளின் அன்­புக்கு இவர்­கள் சொந்­த­மா­கி­விட்­டார்­கள்.!

கட்­சிப் பணி­யாக இருந்­தா­லும் - ஆட்­சிப் பணி­யாக இருந்­தா­லும் – அதே வேகத்­து­ட­னும், விவே­கத்­து­ட­னும் செய்து முடித்து காட்­டு­கிற ஆற்­றல் உரி­ய­வர்­க­ளாக இருக்­கக்­கூ­டி­ய­வர்­கள் தான் இவர்­கள். இந்த நிகழ்ச்­சியை சிறப்­பாக ஏற்­பாடு செய்­தி­ருக்­கிற இவர்­க­ளுக்கு மட்­டு­மல்ல, இவர்­க­ளுக்கு துணை நிற்­கக்­கூ­டிய அனை­வ­ருக்­கும் சட்­ட­மன்ற, நாடா­ளு­மன்ற உறுப்­பி­னர்­க­ளுக்­கும், அதி­கா­ரி­க­ளுக்­கும் அலு­வ­லர்­க­ளுக்­கும், என்­னு­டைய அன்­பார்ந்த வாழ்த்­து­களை­யும், வணக்­கத்­தை­யும் நான் தெரி­வித்­துக் கொள்ள விரும்­பு­கி­றேன்.!

புல­வர் அவ்­வை­யா­ரின் ஆயுள் வளர்ந்­தால், தமிழ் வள­ரும் என்று எண்ணி, நெல்­லிக்­க­னியை தந்த கடை­யேழு வள்­ளல்­க­ளில் ஒரு­வ­ரான அதி­ய­மான் ஆட்சி செலுத்­திய, தமிழ் ஊரான தக­டூர் இருப்பது, இந்த தரு­ம­புரி மண்ணில் தான்!

தரு­ம­புரி என்று சொன்­ன­துமே என்­னு­டைய நினை­வுக்கு வரு­வது, ஒகே­னக்­கல்!

1928 கோடி ரூபா­யில் உரு­வாக்­கப்­பட்ட, ஒகே­னக்­கல் கூட்­டுக்­கு­டி­நீர் திட்­டத்­துக்கு, 2008-ஆம் ஆண்டு, உள்­ளாட்­சித் துறை அமைச்­ச­ரான நான், ஜப்­பான் நாட்­டிற்­குச் சென்று, நிதி வச­தி­க­ளை­யும், திட்­ட­மி­டு­தல் க­ளை­யும் செய்­தேன்.!

முத்தமிழறிஞர் கலைஞர் ஆட்சி காலத்தில் தான் இந்த திட்­டத்தை அன்­றைக்கு தொடங்கி வைத்­தார். ஆனால், ஆட்சி மாறி­ய­தும், காட்சி மாறி­யது.!

ஒகே­னக்­கல் கூட்­டுக் குடி­நீர் திட்­டத்­துக்கு முட்­டுக்­கட்டை போட்­டார்­கள். உடனே நானே இங்கே நேரில் வந்து போராட்­டம் நடத்­தி­னேன். அதை நீங்­கள் மறந்­தி­ருக்க மாட்­டீர்­கள். அந்த வகை­யில், தரு­ம­புரி மாவட்­டத்து மக்­க­ளுக்கு நல்ல குடி­நீர் கிடைக்க கார­ண­மா­ன­வன் நான் என்ற மகிழ்ச்­சி­யோடு உங்கள் முன்னே நான் நின்று கொண்­டி­ருக்­கி­றேன்

அவ்­வை­யின் வர­லாற்­றில் தரு­ம­பு­ரிக்கு எப்­படி பங்கு இருக்­கி­றதோ, அதே­போல, தமிழ்­நாட்டு மக­ளிர் முன்­னேற்­றத்­தி­லே­யும் தரு­ம­பு­ரிக்கு முக்­கிய பங்­குண்டு!

1989-ஆம் ஆண்டு இதே தரு­ம­பு­ரி­யில் தான் மக­ளிர் சுய உத­விக் குழுக்­கள் என்ற அமைப்பை தமி­ழி­னத் தலை­வர், முத்தமிழறிஞர் கலை­ஞர் தொடங்கி வைத்­தார்.!

அவர் பேரால் ஏரா­ள­மான மக­ளிர் வாழ்­வில் மகிழ்ச்­சியை உரு­வாக்­கி­யி­ருக்­கி­றது. கலை­ஞர் மக­ளிர் உரி­மைத் திட்­டத்­தில் விண்­ணப்­பிக்­கின்ற முகா­மும் இங்­கே­தான் கடந்த ஆண்டு தொடங்­கப்­பட்­டது.

இந்த ரெண்டு திட்­டங்­க­ளும் மக­ளிர் வாழ்­வில் ஒளி­வி­ளக்­காக திகழ்ந்து கொண்­டி­ருக்­கிறது!

பெண்­க­ளுக்கு சொத்­தில் சம­பங்கு என்ற சட்­டம் அதை இயற்­றி­ய­வர் தலை­வர் கலைஞர்.!

இது பெண்­ணி­னத்­திற்கு திரா­விட முன்­னேற்­றக் கழக ஆட்சி வழங்­கிய மாபெ­ரும் அதி­கா­ரக் கொடை! அதன் அடுத்­த­கட்­டம்­தான் கலை­ஞர் மக­ளிர் உரி­மைத் திட்­டம்!

உரி­மைத் தொகை வழங்­கு­வோம் என்று தேர்­த­லில் சொன்­னோம்! அதை நிறை­வேற்­றிக் காட்­டி­யி­ருக்­கி­றோம். ஏனென்­றால், உங்­கள் எல்­லா­ருக்­குமே தெரி­யும், இது, “சொன்­ன­தைச் செய்­யும் ஆட்சி!”

இந்த திட்­டத்­தால் இன்­றைக்கு ஒரு கோடியே 15 லட்­சம் மக­ளி­ருக்கு, மாதம் தோறும் ஆயி­ரம் ரூபாய் கொடுக்­கி­றோம் என்­றால், அவர்­களை பொரு­ளா­தார அதி­கா­ரம் உள்­ள­வர்­க­ளாக மாற்­றி­யி­ருக்­கி­றோம் என்று பொருள்!

கொஞ்ச நாளைக்கு முன்­னால், டிவி-­­யில் ஒரு பேட்டி பார்த்­தேன். இந்த உரி­மைத்­தொகையைப் பெற்ற சகோ­தரி ஒரு­வர், “இது ஸ்டாலின் அண்­ணன் கொடுத்த சீர்” என்று சொன்­னார்­கள். அப்­போது எனக்கு என்ன தோன்­றி­யது என்­றால், நம்ம திரா­விட மாடல் அர­சுக்­கும் தமிழ்­நாட்டு மக­ளி­ருக்­கும் இந்த திட்­டத்­தால் ஏற்­பட்­டுள்ள குடும்ப பாசத்தை எண்ணி மனம் நெகிழ்ந்து போனேன்.!

இதுமட்­டு­மல்­லா­மல், இந்த திரா­விட மாடல் அரசு இது­வரை நிறை­வேற்­றி­யி­ருக்­கிற திட்­டங்­களை பட்­டி­ய­லிட வேண்­டும் என்­றால், நாள் முழுக்க நான் பேசிக் கொண்டே இருக்­க­ வேண்­டும், சொல்­லிக் கொண்டே இருக்­க­வேண்­டும்.!

அத­னால், முத்­தான சில திட்­டங்­களை பற்றி மட்­டும் சொல்ல விரும்­பு­ கி­றேன்.

“விடி­யல் பய­ணத் திட்­டம்” மூல­மாக நமது சகோ­த­ரி­கள் மாதந்­தோ­றும் 888 ரூபாய் வரை சேமிக்­கி­றார்­கள்.!

முத­ல­மைச்­ச­ரின் காலை உண­வுத் திட்­டத்­தில் நாள்­தோ­றும் 16 லட்­சம் குழந்­தை­கள் வயி­றார சாப்­பி­டு­கி­றார்­கள்.!

மூவ­லூர் இரா­மா­மிர்­தம் அம்­மை­யார் “புது­மைப்­பெண்” திட்­டம் மூல­மாக மாண­வி­க­ளுக்கு மாதந்­தோ­றும் ஆயி­ரம் ரூபாய் போய்ச் சேரு­கி­றது.!

இரண்டே ஆண்­டில், ‘நான் முதல்­வன்’ திட்­டம் மூல­மாக

28 லட்­சம் இளை­ஞர்­கள் திறன் பயிற்சி பெற்­றி­ருக்­கி­றார்­கள்.!

‘இல்­லம் தேடிக் கல்வி’ திட்­டம் மூல­மாக 24 லட்­சத்து 86 ஆயி­ரம் பள்­ளிக் குழந்­தை­கள் பய­ன­டைந்­தி­ருக்­கி­றார்­கள்!.

2 லட்­சம் உழ­வர்­க­ளுக்கு புதிய இல­வச மின் இணைப்பு கொடுத்­தி­ருக்­கி­றோம்.! உயர்த்­தப்­பட்ட ஓய்­வூ­தி­யத்­தில் 30 லட்­சம் முதி­யோ­ரும் 5 லட்­சம் மாற்­றுத்­தி­ற­னா­ளி­களும் மாதந்­தோ­றும் பய­ன­டைந்து கொண்டு வரு­கி­றார்­கள்.!

‘நம்­மைக் காக்­கும் 48’ திட்­டம் மூல­மாக 2 லட்­சம் உயிர்­கள் காப்­பாற்­றப்­பட்­டி­ருக்­கி­றது.!

“மக்­க­ளைத் தேடி மருத்­து­வம்” திட்­டத்­தால் ஒரு கோடி பேர் பய­ன­டைந்­தி­ருக்­கி­றார்­கள்.!

‘முதல்­வ­ரின் முக­வரி திட்­டம்’, ’மக்­க­ளு­டன் முதல்­வர் திட்­டம்’ ஆகி­ய­வற்­றின் மூல­மாக 23 லட்­சத்து 9 ஆயி­ரம் பேர் பய­ன­டைந்­தி­ருக்­கி­றார்­கள்!.

இந்த திட்­டங்­க­ளின் பயன்­கள் எல்­லாம் முறை­யாக சென்று சேரு­கி­றதா என்று உறு­தி­செய்ய இப்­போது “நீங்­கள் நலமா?” திட்­டத்­தைத் தொடங்கி வைத்து, நானே மக்­க­ளி­டம் பேசிக் கொண்­டி­ருக்­கி­றேன்

மக்­க­ளின் குறை­களை தீர்த்து வைப்­ப­தற்­காக இப்­படி அடுத்­த­டுத்து திட்­டங்­களை அறி­வித்து, உட­னுக்­கு­டன் தீர்வு காணு­கின்ற அர­சு­தான், இந்த திரா­விட மாடல் அரசு! என்­பதை பெரு­மை­யோடு நான் கம்­பீ­ர­மாக சொல்ல விரும்­பு­கி­றேன்.!

அத­னால்­தான், இந்த அரசை மக்­க­ளின் மனச்­சாட்சி என்று சொன்­னேன்.!

இப்­படி மக­ளிர் – மாண­வர்­கள் – இளை­ஞர்­கள் – முதி­யோர் –உழ­வர்­கள் – உழைப்­பா­ளர்­கள் என்று தமிழ்­நாட்­டில் இருக்­கின்ற ஒவ்­வொரு குடும்­ப­மும் பய­ன­டை­கின்ற வகை­யில் திட்­டங்­களை பார்த்து பார்த்து செயல்­ப­டுத்தி வரு­கி­றோம்.!

இப்­படி எந்த அர­சா­வது செயல்­பட்­டதா? பத்­தாண்­டு­க­ளாக தமிழ்­நாட்­டையே சுரண்­டி­னார்­களே, அவர்­க­ளால், இப்­ப­டி­யெல்­லாம் ஏதா­வது ஒரு திட்­டத்தை நிறை­வேற்ற முடிந்­ததா?

உங்­க­ளுக்­காக பாடு­பட முடிந்­ததா? அவர்­க­ளால் இப்­படி பட்­டி­ய­லிட முடி­யுமா? முடி­யாது! ஏனென்­றால், இந்த தரு­ம­புரி மற்­றும் கிருஷ்­ண­கிரி மக்­க­ளுக்­கான ஒகே­னக்­கல் திட்­டத்­தையே முடக்­கி­ய­து­தான் அ.தி­.மு.க. ஆட்­சி­யின் சாதனை! சாத­னை­தான் இல்­லை­யென்­றால், அவர்­க­ளால் ஏற்­பட்ட வேதனை.!

உங்­க­ளுக்கே நன்­றாக தெரி­யும்!

வேளாண் கல்­லூரி மாண­வி­க­ளின் குடும்­பத்­துக்கு ஏற்­பட்ட வேத­னையை மீண்­டும் விரி­வாக நான் இங்கே சொல்ல விரும்­ப­வில்லை! உங்­க­ளு­டைய திரா­விட மாடல் அரசு ஒவ்­வொரு மாவட்­டத்­துக்­கும் பல்­வேறு திட்­டங்­களை தொடர்ந்து நிறை­வேற்­றிக் கொண்டே இருக்­கி­றது!

தரு­ம­புரி மாவட்­டத்­துக்­கான திட்­டங்­கள் சொல்ல வேண்­டும் என்­றால், முத்­த­மி­ ழ­றி­ஞர் கலை­ஞர் அமைத்த ‘வள்­ளல் அதி­ய­மான் கோட்­டம்’ 1 கோடி ரூபாய் செல­வில் புன­ர­மைக்­கப்­பட்டு திறக்­கப்­பட்­டி­ருக்­கி­றது.!

விடு­த­லைப் போராட்ட தியாகி சுப்­பி­ர­ம­ணிய சிவா­வுக்கு தலை­வர் கலை­ஞர் மணி­மண்­ட­பம் எழுப்­பி­னார்!. அந்த தியா­கி­யின் விருப்­ப­மான பாரத மாதா நினை­வா­ல­யம் இந்த தன­ய­னின் ஆட்­சி­யில்­தான் திறக்­கப்­பட்­டது!

அரசு தரு­ம­புரி மருத்­து­வக்­கல்­லூரி மருத்­து­வ­ம­னை­யில்–­ஒ­ருங்­கி­ணைந்த பேறு­கால அவ­சர கிசிச்சை மற்­றும் சிசு தீவிர கிச்சை பரா­ம­ரிப்பு மையத்தை திறந்து வைத்­தி­ருக்­கி­றேன்.!

பேருந்து வச­தியே இது­வரை இல்­லாத 8 மலைக் கிரா­மங்­கள் பயன்­பெற வத்­தல்­ம­லைக்கு முதன்­மு­தலாக புதிய பேருந்து கடந்த ஆண்டு தொடங்கி

வைத்­தேன்.!

ஒகே­னக்­கல் கூட்­டுக் குடி­நீர்த் திட்­டத்­தின் இரண்­டா­வது கட்­டப் பணி­கள் 7 ஆயி­ரத்து 890 கோடி ரூபாய் செல­வில் நிறை­வேற்­றப்­ப­டும்.!

17 கோடியே 58 லட்­சம் ரூபாய் செல­வில் ஒகே­னக்­க­லுக்கு வரும் சுற்­று­லாப் பய­ணி­க­ளுக்­காக பல்­வேறு பணி­கள் மேற்­கொள்­ளப்­ப­டு­கி­றது.!

தரு­ம­பு­ரி­யில், கூடு­தல் மாவட்ட ஆட்­சி­யர் அலு­வ­ல­கக் கட்­ட­டப் பணி­கள் முடி­வ­டைய உள்ளது.!.

மொரப்­பூர் – தரு­ம­புரி புதிய அகல ரயில் பாதைக்கு நில எடுப்­புப் பணி­கள் நடை­பெ­று­கி­றது.!

இதே போல, கிருஷ்­ண­கிரி மாவட்­டத்­துக்கு சொல்ல வேண்­டும் என்­றால், மூன்­றாண்­டு­க­ளில், ஊரக வளர்ச்­சித் துறை மூலம் குடி­யி­ருப்­பு­கள், ஊரக உட்­கட்­ட­மைப்பு பணி­கள், ஓசூர் மாந­க­ராட்சி, கிருஷ்­ண­கிரி நக­ராட்சி, பல்­வேறு பேரூ­ராட்­சி­க­ளுக்கு உட்­கட்­ட­மைப்பு பணி­கள், பொதுப்­ப­ணித்­துறை கட்­ட­டங்­கள், மாற்­றுத் திற­னா­ளி­க­ளுக்­கான நலத்­திட்ட உத­வி­கள் என்று 927 கோடி ரூபாய் மதிப்­பி­லான பணி­க­ளும் – திட்­டங்­க­ளும் மேற்­கொள்­ளப்­பட்­டி­ருக்­கி­றது என்பதையும் மகிழ்ச்­சி­யோடு நான் இங்கே தெரி­வித்­துக் கொள்ள விரும்­பு­கி­றேன்.!

சேலம் மாவட்­டத்­துக்­கான பணி­கள் பற்றி சொல்­ல­வேண்­டும் என்­றால், ஏற்­க­னவே சீல­நா­யக்­கன்­பட்­டி­யில் நடந்த அரசு விழா­வில் 1,242 கோடி ரூபாய் மதிப்­பி­லான புதிய திட்­டங்­களை அறி­வித்­தேன்.! அது­மட்­டு­மில்­லா­மல், இளை­ஞர்­க­ளுக்கு வேலை­வாய்ப்பு வழங்­கும் மினி டைடல் பூங்­கா­வுக்கும் அடிக்­கல் நாட்­டி­யி­ருக்­கி­றேன்!.

அரி­யா­க­வுண்­டம்­பட்­டி­யில் கொலுசு உற்­பத்­தி­யா­ளர்­க­ளுக்­கான பன்­மாடி உற்­பத்தி மையத்­துக்­கான பணி­கள் நடந்து கொண்டு இருக்­கி­றது!.

ஜாகீர் அம்­மா­பா­ளை­யத்­தில் ஒருங்­கி­ணைந்த ஜவு­ளிப் பூங்கா அமைக்க போகி­றோம்.!

சேலம் அரசு சட்­டக் கல்­லூ­ரிக்­கான விடு­தி­க­ளு­டன் கூடிய நிரந்­த­ரக் கட்­ட­டத்­தை­யும் – ஈர­டுக்கு பேருந்து நிலை­யத்­தை­ யும் திறந்து வைத்­தி­ருக்­கி­றேன்.!

போடி­நா­யக்­கன்­பட்டி ஏரி, அல்­லிக்­குட்டை ஏரி, மூக்­க­னேரி ஆகி­யவை புன­ர­மைக்­கப்­பட்­டி­ருக்­கி­றது.!

பொது­மக்­க­ளின் நீண்ட கால கோரிக்­கைய ஏற்று, அம்­மாப்­பேட்டை பகு­தி­யில் இர­யில்வே மேம்­பால பணி­கள் நடந்து கொண்­டி­ருக்­கி­றது.!

இதன் தொடர்ச்­சி­யா­க­தான், இந்த நிகழ்ச்சி மூல­மாக தரு­ம­புரி, கிருஷ்­ண­கிரி, சேலம் மாவட்­டங்­க­ளுக்கு 560 கோடியே 23 இலட்ச ரூபாய் மதிப்­பி­லான புதிய திட்­டப் பணி­க­ளுக்கு அடிக்­கல் நாட்டி, முடி­வுற்ற திட்­டப் பணி­களை திறந்து வைத்­தி­ருக்­கி­றேன்.!

இப்படியாக

8 ஆயி­ரத்து 736 பய­னா­ளி­க­ளுக்கு நலத்­திட்ட உத­வி­களை வழங்­கி­யி­ருக்­கி­றேன்.!

இன்­னும் சில முக்­கிய அறி­விப்­பு­கள் வெளி­யிட விரும்­பு­கி­றேன்.

வெண்­ணாம்­பட்டி சாலை­யை­யும், தரு­ம­புரி மாநில நெடுஞ்­சா­லை­யை­யும் இணைக்­கின்ற வகை­யில் பார­தி­பு­ரத்­தில் 36 கோடியே 15 லட்ச ரூபாய் மதிப்­பீட்­டில் இர­யில்வே மேம்­பா­லம் அமைக்­கப்­ப­டும்.!

வாச்­சாத்தி முதல் கல­சப்­பாடி வரை­யி­லான மலைப்­ப­கு­தி­க­ளில்

12 கோடி ரூபாய் மதிப்­பீட்­டில் சாலை அமைக்­கப்­ப­டும்.!

தரு­ம­புரி மாவட்­டத்­தில் ஐந்து சமு­தாய நலக்­கூ­டங்­கள் நான்கு கோடியே நான்கு லட்ச ரூபாய் மதிப்­பீட்­டில் கட்­டப்­ப­டும்.!

வாச்­சாத்தி கொடு­மையை யாரும் மறந்­தி­ருக்க மாட்­டீர்­கள்! எந்த ஆட்­சி­யில் நடந்­தது என்­பதையும், மறந்­தி­ருக்க மாட்­டீர்­கள்! ஆனால், பாதிக்­கப்­பட்ட பழங்­கு­டி­யின மக்­க­ளுக்கு திரா­விட மாடல் ஆட்­சி­யில்­தான் விடி­யல் பிறந்­தி­ருக்­கி­றது.!

பாதிக்­கப்­பட்ட 18 நபர்­க­ளுக்கு தலா 10 லட்ச ரூபாய் என்று மொத்­த­மாக 1 கோடியே 80 லட்­சம் ரூபாய் நிதி­யு­த­வி­யாக வழங்­கப்­பட்­டி­ருக்­கி­றது. மற்ற வேலை­வாய்ப்­பு­க­ளும் விரை­வில் வழங்­கப்­ப­டும்.!

இவற்றை போல கிருஷ்­ண­கிரி மாவட்­டத்­தில் ......

தொழி­லா­ளர்­கள் நிறைந்த ஓசூர் மற்­றும் அதை சுற்றி இருக்­கின்ற பகு­தி­க­ளில், அவர்­க­ளு­டைய நல­னுக்­காக, நட­மா­டும் மருத்­து­வப் பிரிவு ஏற்­ப­டுத்­தப்­ப­டும்.!

கிருஷ்­ண­கிரி மாவட்ட மைய நூல­கத்­துக்கு 50 லட்ச ரூபாய் மதிப்­பீட்­டில் கூடு­தல் கட்­ட­டம் அமைக்­கப்­ப­டும்!.

தளி ஊராட்சி ஒன்­றி­யத்­தில் 10 கிலோ மீட்­ட­ருக்கு சாலை உட்­பட, கிருஷ்­ண­கிரி மாவட்­டத்­தில் 75 சாலை­கள் சுமார் 78 கோடி ரூபாய் மதிப்­பீட்­டில் மேற்­கொள்­ளப்­ப­டும்!

28 கோடி ரூபாய் மதிப்­பீட்­டில் 92 சாலை­கள், 7 கோடி ரூபாய் மதிப்­பீட்­டில் 28 சிறு­பா­லங்­கள் அமைப்­ப­தற்­கான பணி­கள் மேற்­கொள்­ளப்­ப­டும்!

தேன்­க­னிக்­கோட்டை வட்­டத்­தில் யானை தாக்­கு­த­லில் இருந்து மக்­களை காப்­பாற்ற 10 கிலோ மீட்­டர் தூரத்­துக்கு 3 கோடியே 50 லட்ச ரூபாய் செல­வில் எஃகு கம்பி கயிறு வேலி அமைக்­கப்­ப­டும்.!

கெல­மங்­க­லம் அரசு பல்­தொ­ழில்­நுட்ப கல்­லூரி வளா­கத்­தில் 100 மாண­வர்­கள் தங்­கும் வகை­யில், ‘புதிய பிற்­ப­டுத்­தப்­பட்­டோர் நல பல்­தொ­ழில்­நுட்ப கல்­லூரி மாண­வர் விடுதி’ தொடங்­கப்­ப­டும்.!

கிருஷ்­ண­கிரி மாவட்­டத்­தில், 3 சமு­தாய நலக்­கூ­டங்­கள்

2 கோடியே 35 லட்ச ரூபாய் மதிப்­பீட்­டில் கட்­டப்­ப­டும்.!

கிரா­மப்­புற பகு­தி­க­ளில், 5 துணை சுகா­தார மையக் கட்­ட­டங்­க­ளும், நகர்ப்­பு­றத்­தில், 2 துணை சுகா­தார மையக் கட்­ட­டங்­க­ளும் 3 கோடியே 15 லட்ச ரூபாய் செல­வில் கட்­டப்­ப­டும்.!

உனிச்­செட்டி ஆரம்ப சுகா­தார நிலை­யத்­தில் 30 லட்ச ரூபாய் மதிப்­பீட்­டில், பழங்­கு­டி­யி­ன­ருக்­கான புதிய பிறப்பு காத்­தி­ருப்பு கூடம் அமைக்­கப்­ப­டும்!.

கிருஷ்­ண­கிரி மருத்­து­வக் கல்­லூ­ரி­யில் சத்­து­ணவு மற்­றும் மறு­வாழ்வு மையம் 25 லட்ச ரூபாய் மதிப்­பீட்­டில் ஏற்­ப­டுத்­தப்­ப­டும்.!

ஊராட்சி ஒன்­றி­யங்­க­ளில், 30 பொது விநி­யோக அங்­கா­டி­கள் 28 அங்­கன்­வாடி மையங்­கள் 9 கோடியே 26 லட்­சம் ரூபாய் மதிப்­பீட்­டில் அமைக்­கப்­ப­டும்.!

வன விலங்­கு­க­ளுக்கு தண்­ணீர் கிடைக்க ஒரு கோடி ரூபாய் மதிப்­பீட்­டில் நீர்­நி­லை­கள் தூர்­வா­ரும் திட்­டம் தொடங்­கப்­ப­டும்!.

சேலம் மாவட்­டத்­தில்......

210 கிலோ மீட்­டர் நீளத்­தில் 79 கிரா­மச் சாலை­கள், 21 உயர்­மட்­டப் பாலங்­கள், 127 கிலோ மீட்­ட­ருக்கு 211 ஓர­டுக்கு கப்பி சாலை­கள்,

76 கிலோ மீட்­டர் நீளத்­திற்கு சிமெண்ட் கான்­கி­ரீட் சாலை, 47 கிலோ மீட்­டர் நீளத்­துக்கு பேவர் பிளாக் அமைக்­கும் பணி­கள் ஆகி­யவை, 164 கோடி ரூபாய் மதிப்­பீட்­டில் மேற்­கொள்­ளப்­ப­டும்!

செட்­டி­சா­வடி வளா­கத்­தில் இருக்­கின்ற குப்­பை­மேடு ‘பயோ-­மை­னிங்’ அப்­பு­றப்­ப­டுத்­தும் பணி­கள், 50 கோடி ரூபாய் மதிப்­பீட்­டில் மேற்­கொள்­ளப்­ப­டும்!

நங்­க­வள்ளி குடி­நீர் நீரேற்ற நிலை­யம் 10 கோடி ரூபாய் மதிப்­பீட்­டில் மேம்­ப­டுத்­தப்­ப­டும்.!

சேலம் மாவட்­டத்­தில் 14 சமு­தாய நலக்­கூ­டங்­கள் 11 கோடியே

46 லட்ச ரூபாய் மதிப்­பீட்­டில் கட்­டப்­ப­டும்.!

சேலம் மாந­க­ராட்­சி­யில், தனி குடி­நீர் திட்­டத்­தின்­கீழ் உள்ள மோட்­டார் பம்­பு­கள் மற்­றும் விஎப்.டி,களை மறு சீர­மைக்­கும் பணி,

15 கோடி ரூபாய் மதிப்­பீட்­டில் மேற்­கொள்­ளப்­ப­டும்!

தெரு நாய்­க­ளால் மக்­க­ளுக்கு ஏற்­ப­டும் பாதிப்பை தடுக்க, ’விலங்கு பிறப்பு கட்­டுப்­பாடு மையம்’ கட்­டும் பணி 3 கோடி ரூபாய் மதிப்­பீட்­டில் மேற்­கொள்­ளப்­ப­டும்.

இப்­படி எப்­போ­தும் உங்­க­ளுக்­கா­கவே செயல்­ப­டுற அர­சு­தான், நம்­மு­டைய திரா­விட மாடல் அரசு!

அனைத்து மாவட்­டங்­க­ளை­யும் சம­மாக மதித்து நாம் செயல்­ப­டு­கி­றோம். ஆனால், ஒன்­றிய பா.ஜ.க அப்­படி மாநி­லங்­களை சம­மாக நினைக்­கின்­றதா?

ஒன்­றிய அரசு என்­றால், எல்லா மாநி­லங்­க­ளை­யும் மதிக்­க­ணும்! வளர்க்­க­ணும்! ஆனால், இன்­றைக்கு ஒன்­றி­யத்தை ஆளு­கின்ற அரசு அப்­படி செயல்­ப­ட­வில்லை!

மாநி­லங்­க­ளையே அழிக்க நினைக்­குது.! மாநி­லங்­களை அழிக்­கி­றது மூல­மாக நம்­மு­டைய மொழியை – இனத்தை – பண்­பாட்டை அழிக்­கப் பார்க்­கி­றது.!

மாநி­லத்­தின் வளர்ச்­சிக்கு மிக மிக முக்­கி­ய­மா­னது நிதி. அந்த நிதி ஆதா­ரத்தை பறிப்­பது மாநில வளர்ச்­சிக்­கான ஆக்­சி­ஜனை நிறுத்­து­கின்ற மாதிரி! அதைத்­தான் இப்­போது செய்து கொண்டு இருக்­கி­றார்­கள்.!

மாநி­லங்­கள் ஒன்­றி­ணைந்­த­து­தான் ஒன்­றிய அரசு!

இதை உண­ரா­மல் செயல்­பட்­டுக் கொண்டு இருக்­கி­றார்­கள்!.

தேர்­தல், நெருங்கி வரு­கி­றது! பிர­த­ம­ர் மோடியும், அடிக்­கடி சுற்­றுப்­ப­ய­ணம் வரு­கி­றார்!

இந்த சுற்­றுப்­ப­ய­ணங்­க­ளைப் பற்றி தமிழ்­நாட்டு மக்­கள் என்ன நினைக்­கி­றார்­கள். இதை வெற்­றுப் பய­ணங்­க­ளா­க­தான் பார்க்­கி­றார்­கள்.! இதை சுற்­றுப்­ப­ய­ண­மாக பார்க்­க­வில்லை. இந்த பய­ணங்­க­ளால் ஏதா­வது வளர்ச்­சித் திட்­டங்­கள் இருக்­கி­றதா?

2019-ஆம் ஆண்டு அடிக்­கல் நாட்­டிய மதுரை எய்ம்ஸ் மருத்­து­வ­ம­னைக்கே இப்­போ­து­தான் கட்­டு­மா­னப் பணியை தொடங்­கப் போவ­தாக நாட­கம் நடத்­து­கி­றார்­கள். தேர்­தல் முடிந்­த­தும் நிறுத்­தி­டு­வார்­கள்!.

தேர்­தல் வரு­கி­றது என்று சிலிண்­டர் விலையை குறைத்­த­து­போல அறி­விக்­கி­றார் பிர­த­மர்.!

10 ஆண்­டு­க­ளாக 500 ரூபாய்க்­கும் மேல உயர்த்­திட்டு, இப்­போது 100 ரூபாய் மட்­டும் குறைக்­கி­றது, அப்­பட்­ட­மான மோசடி வேலை­யில்­லையா இது?

இதை­விட மக்­களை ஏமாற்­று­கிற செயல் இருக்க முடி­யுமா?

சென்­னை­யில் வெள்­ளம் வந்­த­போது, பாதிக்­கப்­பட்ட மக்­களை பார்க்க வராத பிர­த­மர் மோடி - தூத்­துக்­கு­டி­யில் வெள்­ளம் வந்­த­போது பாதிக்­கப்­பட்ட மக்­களை பார்க்க வராத பிர­த­மர் மோடி - இப்­போது மட்­டும் அடிக்­கடி வரு­கி­றாரே? என்ன கார­ணம்? தேர்­தல் வரப் போகி­றது. ஓட்டு கேட்­டு­தான் வரு­கி­றார் என்று மக்­க­ளுக்­குத் தெரி­யும்.!

‘தமிழ்­நாட்டு மக்­க­ளின் வளர்ச்சி நிதியை கொள்­ளை­ய­டிக்க நான் விட­மாட்­டேன்’ என்று சொல்லி இருக்­கிறார்.!.

பிரதமர் மோடி தமிழ்­நாட்­டுக்கு என்ன வளர்ச்சி நிதியை கொடுத்­தி­ருக்­கார்?

ஜி.எஸ்.டி வரி இழப்­பீட்டு நிறுத்­தி­ய­தால், தமிழ்­நாட்­டுக்­குச் சேர வேண்­டிய 20 ஆயி­ரம் கோடி ரூபாய் கிடைக்­க­வில்லை.

வெள்ள நிவா­ர­ண­மாக நாம் கேட்ட 37 ஆயி­ரம் கோடிய தர­வில்லை.

மெட்ரோ ரயில் இரண்­டாம் கட்­டப் பணி­க­ளுக்கு பணம் தர­வில்லை, ஒப்­பு­த­லும் வழங்­க­வில்லை.

பிர­த­மர் வீடு­கட்­டும் திட்­டத்­துக்கு முக்­கால் பங்கு பணம் தரு­வது மாநில அர­சு­தான்.!

வீடு­க­ளுக்கு குடி­நீர் இணைப்பு வழங்­கு­கி­றற ஜல்­ஜீ­வன் திட்­டத்­துக்கு மாநில அர­சின் பங்­க­ளிப்பு 50 விழுக்­காடு.

இதை எல்­லாம் வைத்து பார்க்­கும்­போது மாநில அர­சி­டம் பணம் வாங்­கித்­தான் தன்­னு­டைய ஸ்டிக்­கரை பிர­த­மர்

ஒட்­டிக்­ கொள்கி­றார் என்று அவ­ருக்கு நான் நினை­வூட்ட விரும்­பு­கி­றேன்.!

இன்­னும் கேட்­க­வேண்­டும் என்­றால், ஒன்­றிய அர­சுக்கு வரி வரு­வாய் எங்கே இருந்து வரு­கி­றது? மாநி­லங்­க­ளின் வரி­யாக இருந்­தா­லும், ஒன்­றிய வரி­யாக இருந்­தா­லும் மாநி­லங்­க­ளில் இருக்­கின்ற மக்­கள் கொடுக்­கின்ற வரி­தான்!

வெறும் கையால் முழம் போடு­வது என்று சொல்­லு­வார்­கள். அது­போல, தமிழ்­நாட்­டுக்கு வந்து வெறும் கையால் முழம் போட்­டுக் கொண்டு இருக்­கி­றார் நம்­மு­டைய பார­தப் பிர­த­மர் மோடி அவர்­கள். தேர்­தல் நேரத்­தில் மட்­டும்­தான் பிர­த­ம­ருக்கு மக்­கள் மேல பாசம் பொங்­கும்... இதை தமிழ்­நாட்டு மக்­கள் நன்­றாக உணர்ந்­தி­ருக்­கி­றார்­கள்.!

ஆனால், நாங்­கள் உங்­க­ளு­டன் இருக்­கி­றோம். மக்­க­ளான நீங்­கள் எங்­க­ளோடு இருக்­கி­றீர்­கள்.

மக்­க­ளும், அர­சும், திரா­விட முன்­னேற்­றக் கழ­க­மும் ஒரே குடும்­ப­மாக செயல்­பட்டு வரு­கி­றோம்.! இதைத்­தான் குடும்ப ஆட்சி என்று விமர்­சிக்­கி­றார்­கள்.!

தமிழ்­நாட்­டில் நடப்­பது கோடிக்­க­ணக்­கான குடும்­பங்­க­ளின் நல­னுக்­காக நடக்­கின்ற ஆட்சி தான் இது! அத­னால்­தான் உங்­கள் குடும்ப விழா­வுக்கு வரு­கின்ற மாதிரி நீங்­கள் எல்­லாம் இங்கு உரி­மை­யு­டன் வந்­தி­ருக்­கி­றீர்­கள்.!

இதே உணர்­வோ­டும், வள­மோ­டும், நல­மோ­டும் வாழ்­வோம்! தமிழ்­நாட்­டை­யும் வாழ வைப்­போம்! இந்­தி­யா­வுக்­கும் வழி­காட்­டி­யாக நாம் மாறு­வோம்!

இவ்வாறு முதல்வர் மு.க.ஸ்டாலின் பேசினார்.